Ürəyimdə ayaz var,
Nə qış gedib, nə yaz var.
Oyatma bənöşəni,
Kol dibində ayaz var.

Kədərli baxmayaydı,
Göz yaşım axmayaydı.
Yad baxmağı bir yana,
Yar yada baxmayaydı.

Ürəyimdə ayaz var,
Nə qış gedib, nə yaz var.
Oyatma bənöşəni,
Kol dibində ayaz var.

Bu dünya çətin qala,
Yolları çətin qala.
Yaxşı yarı yazda gəz,
Payıza çətin qala.

Qalanın daşı oldum,
Gözünün yaşı oldum.
Dünyada gün görmədim,
Sevəndə naşı oldum.

Bu dünya çətin qala,
Yolları çətin qala.
Yaxşı yarı yazda gəz,
Payıza çətin qala.

Yenə də axşam oldu,
Gün keçdi axşam oldu.
Gecələr mən alışdım,
Əriyən şam oldum.

Yanımda qal biraz da,
Gözyaşı var Arazda.
Yar yuxusun danışıb,
Şəkli qalib Arazda.

Yenə də axşam oldu,
Gün keçdi axşam oldu.
Gecələr mən alışdım,
Əriyən şam oldum.